13.02.2025
Astara Tarix-Diyarşünaslıq Muzeyində Narkomaniyaya qarşı mübarizə ilə əlaqədar “Narkomaniyaya qarşı mübarizə sağlam həyata təminatdır” adlı maarifləndirici tədbir keçirilib.
Tədbirdə A.Hüseynov adına Suparibağ kənd tam orta məktəbin müəllim və şagirdləri iştirak ediblər.
Tədbiri giriş sözü ilə muzeyin direktor vəzifəsini m.i.e. Şahin Əliyev açaraq qeyd edib ki, narkomaniyanın qarşısının alınmasının əsas məqsədi sağlam mühit və sağlam gələcək yaratmaqdır. Buna görə də cəmiyyətdə və ətrafımızda sağlam həyat tərzini təbliğ etmək, zərərli vərdişlərə profilaktik tədbirlər görmək lazımdır. Çünki sağlamlıq insanın yalnız xəstə olmaması deyil, eyni zamanda onun fiziki, psixi və sosial rifahıdır. İnsan üçün dünyada ən əziz varlıq həyatdır, həyatda ən vacib amil isə sağlamlıqdır.
Sonra mövzu ilə bağlı muzeyin kiçik-elmi işçisi Çiçək Axundova məruzə edib və məruzə ətrafında şagirdlərlə fikir mübadiləsi aparılıb.
Yekunda şagirdlər muzeyə ekskursiya ediblər.