Oktyabrın 26-27-də "Dosa Mall" Ticarət Mərkəzində Lənkəranın tanıdılması, həmçinin mədəni irsin qorunması, milli-mənəvi dəyərlərə və incəsənətə bağlılıq ruhunda keçirilən tədbirdə milli üslubda olan əl işləri, folklor, yaradıcılıq, xalçaçılıq, xalq tətbiqi sənət nümunələri, rəsm əsərləri təqdim edilib, eləcə də Lənkəranda istehsal olunan ərzaq və digər sənaye məhsulları nümayiş olunub.

Bundan başqa, Bakı, Sumqayıt, Masallı, Ağstafa, Qaradağ, Ucar, Goranboy, Qobustan, Xəzər, Qazax, Astara Gənclər Evlərinin gənclərindən ibarət özfəaliyyət kollektivləri ədəbi-bədii kompozisiyalarla çıxış ediblər. Tədbirdə həmçinin rəngarəng musiqi nömrələri ifa olunub, qonaqlara gənclərin iştirakı ilə əyləncəli proqramlar təqdim edilib.