Astara rayon Mərkəzi Kitabxanasında Oxuculara xidmət şöbəsinin təşkilatçılığı ilə oktyabrın 29-da Azərbaycanın xalq şairi,ictimai xadim,Dövlət mükafatları laureatı Nəbi Xəzrinin 100 illiyi münasibəti ilə "Gözəlliklər nəğməkarı Nəbi Xəzri" mövzusunda poeziya gecəsi keçirilmişdir.

Tədbirdə M.Ə.Sabir adına şəhər 1 saylı orta məktəbin müəllimi Aysel Vəliyeva və VIII şagirdləri iştirak ediblər.

Oxuculara xidmət şöbəsinin əməkdaşı Aybəniz İbadova tədbirdə məruzə edərək bildirib ki,heç bir mübaliğəyə,epitetə ehtiyac duymadan deyirik ki,Azərbaycan mentalitetinin dünyaya tanınmasında Nəbi Xəzrinin də özünün və əsərlərinin payı var.Bu gün ədəbiyyatımızda sözün fiziki mənasında onun yeri görünür.Amma mənəvi mənada Nəbi Xəzri elə öz yerindədir.Onun zərif,incə,məhəbbət dolu lirikası yenə öz hərarətini bizdən əsirgəmir.

Yekunda şagirdlərin ifasında şairin şeirləri səsləndirilib.