Martın 10-da Yardımlı rayon Mərkəzi Kitabxanasında görkəmli teatr və kino aktyoru,xalq artisti Bəşir Səfəroğlunun anadan olmasının 100 illiyi ilə əlaqədar dəyirmi masa keçirilib.

Kitabxananın əməkdaşı Şahbaz İsmayılov ölməz sənətkarın həyat və yaradıcılığı haqqında ətraflı məlumat verib. Qeyd edilib ki,Bəşir Səfəroğlu hər zaman yumoristik, satirik rollar yaradırdı. İfa etdiyi rollar tamaşaçı tərəfindən sevilirdi. Yaradıcılığına nəzər salanda filmlərdə, tamaşalarda sərxoş obrazlarını elə ifa edirdi ki, sanki bu obrazları yaşayırdı. Xarici görünüşü, mimikası ilə özünü tamaşaçıya elə təqdim edirdi ki, illər keçsə belə unudulmayacaq. Oynadığı rollara baxanda istər-istəməz tamaşaçının üzünə təbəssüm qonur. Və maraqlısı budur ki, filmlərdə və tamaşalarda aktyor rolları elə imporivizə edir ki, sanki hər kəsin öz dili ilə danışır.

Sonra kitabxananın digər əməkdaşı Dərgah Mirzəyev öz çıxışında bildirib ki,bu gün böyük aktyorun obrazları yaşayır, xatırlanır. Qızı Afaq xanım yaşayır, atasından sonra yeri boş qalan səhnəni doldurmaq amalı ilə maraqlı obrazlar yaradır. Atasının adını və sənətini yaşadır. Hər dəfə Azərbaycan kino və teatr səhnəsindən söz düşərkən istər-istəməz komik obrazlar yaradıcısını mimika və jestləri göz önümüzdə canlanır.